Suze Groeneweg
Suzanna "Suze" Groeneweg (Amụrụ n'ụbọchị 4 Machị 1875 na Strijensas - nwụrụ na 19 Ọktoba 1940 na Barendrecht) bụ onye ndọrọ ndọrọ ọchịchị Dutch (Social Democratic Workers' Party - SDAP). Ọ bụ nwanyị mbụ a họpụtara n'ime ndị omeiwu Dutch.
Groeneweg bụ onye nkuzi na Rotterdam. Ọ na-arụsi ọrụ ike maka agụmakwụkwọ ndị mmadụ, yana maka ịha nhata nwoke na nwanyị, ọ bụ ezie na ọ sonyeghị n'òtù ụmụ nwanyị dị iche iche mana ọ họọrọ ịrụ ọrụ n'ime otu ahụ. Ọ na-arụkwa ọrụ n'ime otu ndị na-ahụ maka ịṅụbiga mmanya ókè na ndị na-eme udo.
Groeneweg bụ onye otu kọmitii etiti nke otu ndọrọ ndọrọ ọchịchị onye kwuo uche ya, SDAP, n'afọ 1917, mgbe ewepụtara ikike ụmụ nwanyị: enwere ike ịtụ ụmụ nwanyị vootu n'ọkwa, mana ha anaghị atụ vootu n"onwe ha. N'afọ 1918, mgbe e mere ntuli aka mbụ mgbe ụmụ nwanyị nwesịrị ikike ịtụ vootu, a họpụtara ya ka ọ bụrụ onye omeiwu dị ka nwanyị mbụ ma nọrọ n'ime ụlọ ahụ n'akụkụ ụmụ nwoke 99.
Ka ọ na-erule 1 Jenụwarị 1920, ụmụ nwanyị nọ na Netherlands nwetara ikike ịtụ vootu (nke ha nwere ike iji mee ihe na ntuli aka nke afo1922). A họpụtara Suze Groeneweg ọzọ n'otu afọ ahụ, ụmụ nwanyị isii ndị ọzọ sonyeere ya n'ụlọ ndị nnọchiteanya.[1]
Groeneweg nọgidere bụrụ onye otu House of Representatives nke Netherlands ruo n'ọnwa June 1937. Ọ bụkwa onye otu kansụl obodo nke Rotterdam n'etiti 1919 na 1931, na States-Provincial nke South Holland n'etiti afọ 1919.