Odumeje

Odumeje

mmádu

ụdịekere	nwoke
ụbọchị ọmụmụ ya	9 Septemba 1982

Chukwuemeka Ohanaemere (a mụrụ na abalị 9 Septemba 1982), nke a na-akpọkarị Odumeje, bụ onye ụkọchukwu Naijiria bara ọgaranya na-arụrita ụka nke ukwu na onye nlekọta izugbe nke The Mountain of Holy Ghost Intervention and Deliverance Ministry bụ onye a mara maka usoro ya na-ezighi ezi ọ si agwọ ma na ịchụpụ ndị e chere na ha nwere mmụọ ọjọọ.

Mbido ndu

A mụrụ Odumeje na steeti Imo, Naijiria n'ezinaụlọ nwere ụmụ isii ma bụrụ nwa nke atọ a mụrụ. O nwere obere agụmakwụkwọ dịka ọ kwụsịrị akwụkwọ n'oge ọ bụ nwata wee kwuo na "mkpachi ego" dị ka ihe kpatara ya. Tupu ọ ghọ onye ụkọchukwu, ọ kwagara Steeti Anambra ka ọ chọọ ndụ ka mma, bụ ebe ọ malitere azụmahịa dị ka onye na-ese akpụkpọ anụ na-agbasi mbọ ike, ọrụ ọ ga-emecha gbahapụ iji guzobe ụlọ ụka.

Esemokwu

Usoro ọgwụgwọ na-ezighi ezi

Usoro ọgwụgwọ Odumeje na-adọta nkatọ na-adịghị mma dịka ọ na-agụnyekarị nhazi nke ọtụtụ oche na ịkụda onye chọrọ ọgwụgwọ n'oche, na mgbe emechara ya, kwupụta na a gwọọla ha kpamkpam. Uzo Odumeje si agwọ ọrịa nwetaara ya aha; "Onye pastọ mgba"

Ebubo nke ogbo njikwa ọrụ ebube nke Ada Jesus

Odumeje nwere esemokwu ya na onye bụbu nwanyị ya na ya na-arụkọ ọrụ ọnụ nke akpọrọ Ada Jesus onye boro ya ebubo na ọ bụ onye amụma ụgha na charlatan bụ onye jisiri ike rụọ ọrụ ebube site n'enyemaka nke onye na-eme ihe nkiri Naijiria, Rita Edochie, bụ onye nyere aka site n'inye ya ndị dị njikere ime ganeme ọrịa maka a ego. Odumeje gara n'ihu bụwa ya ọnụ ma kwupụta na ọ ga-ebute ọrịa na-enweghị ngwọta, na mberede, ọ dara ọrịa siri ike site n'ọrịa akụrụ nke mere ka ahụ kpọnwụọ ya kpam kpam ma mee ka ọ kwụsị ikwu okwu. Ọnọdụ ya megidere sayensị ahụike n'ihi na ndị ọkachamara n'ịgwọ ahụike enweghị ike ịkọwa ihe kpatara na n'agbanyeghị mbọ ha na-agba ịgwọ ya, ahụike ya nọgidere na-akawanye njọ. Dị ka ihe ikpeazụ ezinaụlọ Ada Jesus, kpọtara ya n'ọnọdụ ndina ya na ụlọuka Odumeje ma na-arịọ ya ka ọ gbanwee abụmọnụ ọ bụrụ ya. Odumeje kwenyesiri ike wee kwuo na ya agaghị agbaghara ya ma kwuo na ya ga-ahụ na ahụ ga-akpọnwụ ya na ndụ ya niile, ebe Rita Edochie kwuru na ahụ agaghị adị ya mma na ọ ga-anwụ n'oge erughi eru n'ọrịa ahụ. Odumeje kwukwara na ya ga-ahụ na otu ihe ahụ ga-adakwasị ndị ezinaụlọ ya niile.

Ụzọ na-ekwekọghị n’usoro e ji eje aka ụka

Ika ụka Odumeje gụnyere ịbụ abụ nke egwu Naijiria nke nwere okwu rụrụ arụ na ọdịnala iwu na-akwadoghị nke na-adabaghị na nkuzi na omume Ndị Kraịst.lkaịụka Odumeje gbakokwara mmegbu a na-eme na naira Naijiria dika ọ na-efesa ego na-aga n'ihu na-azọ ya ụkwụ, nke a wetara nnukwu nkatọ nke mere na Human Rights Writers Association of Nigeria kpọrọ oku ka a nwụchie ya na afọ 2020.

Ebubo mmekọrịta ya na Eddy Nawgu

Alụmdinanwunye ya na nwunye ya nwere esemokwu n'ihi na ụlọ ọrụ mgbasa ozi Naijiria bipụtara akụkọ na-ekwu na ọ lụrụ ada Eddy Nawgu na ihe ọ bụla bụ ike ime mmụọ Odumeje nwere, ọ mụtara ma nweta ya site n'ịmụ akwụkwọ akụkọ nzuzo nke Eddy Nawgu bụ onye isi ojii, ọgba afa tupu e gbuo ya n'ihu ọha. Odumeje ji obi egwu gọnarị nke a ma kpọọ ya ihe ọjọọ na ima ụma kpachapụrụ anya mebie aha ya.

Okwu mkparị gbasara Pericoma Okoye na ndị Arondizuogu

Odumeje kwuru okwu mkparị banyere onye nwụrụ anwụ Pericoma Okoye bụ onye bụbu praịm minista Arondizuogu bụ onye o kwuru na ọ bụ ihe na-abaghị uru mgbe ọ dị ndụ na ọ nweghị ihe ọ rụpụtara dị mkpa karịa ị nweta aha " ọdụm Nke Africa" na ime mgbaasị na-enweghị ike ịzọpụta ya n'ọnwụ. . Odumeje kwakwara ndị Arondizuogu emo site n'ịkpọ ha obodo ịda ogbenye na-enweghị nde mmadụ ma bụrụ naanị ịgba afa bụ naanị ihe ha rụzuru. Odumeje nwetara nkatọ siri ike maka okwu ya ma mechaa rịọ ndị Arondizuogu mgbaghara .

Egwu igbu onye ọ bụla na-ede ihe ọjọọ banyere ya

Odumeje kwuru na ya nwere ikike ime mmụọ na ọ ga-egbu onye ọ bụla dere ihe na-adịghị mma gbasara ya n'agbanyeghị otú ha si zochie njirimara ha, o kwuru na ya nwere ike ịmata ndị ha bụ n'ụzọ ime mmụọ ma na-aga n'ihu na-egbu ha na mmụọ.

Nnabata

N'agbanyeghị nnukwu esemokwu nke na-eso Odumeje, ọ na-anọgide na-enwe mmekọrịta dị mma na ụlọ ọrụ ntụrụndụ Naijiria dị ka ndị na-eme ihe nkiri Nigeria, Flavor, Rita Edochie, Yul Edochie, na Zubby Michael, na-abịakarị n'oge ọrụ ụka Sunday ya ma ọ bụ na-ahụ ya na ha na ihe omume nzuzo.

Nkwuputa pseudoscientific

N'afọ 2019, Odumeje kwuru na ya nwere ike imebie iwu physics ma jee ije n'elu mmiri. O mechara gọnarị na o kwupụtaghị ụdị nkwupụta ahụ n'agbanyeghị ihe akaebe vidiyo mgbe ọ na-ekwu na a na-ebipụta ma na-ekesa ụdị ihe a na ọlụ ụka ya na mbara igwe.

N'afọ 2020, Odumeje kwuru na ya nwere ike ịkpọlite onye ọ bụla ndị ọkachamara ahụike kwuru na ọ nwụrụ anwụ ma gosi na ọ nwụrụ anwụ. Ihe ngosi ọ na-enweghị ike igosi ma ọ bụ gosipụta.

Ndụ onwe

</br>Odumeje luru Uju Ohanemere ma nwee umu ise.