Gaunab

Gaunab bụ Ọnwụ n'ụdị mmadụ na akụkọ ifo Khoekhoen. N'akụkọ ifo ụfọdụ, a makwaara ya dịka onye na-anọchite anya ihe ọjọọ. A na-ejikọkarị ya na Tsuiʹgoab, na nsụgharị ụfọdụ, a maara ya dịka onye iro ya.

Akụkọ ifo

N'akụkọ ifo ndị Khoekhoe, a na-ekwu na Gaunab bụ Mmụọ nke Ọnwụ. N'otu akụkọ ifo, Gaunab gara n'obere obodo nta nke nwere ụkọ mmiri ozuzo n'ebumnuche nke ịkpọrọ ndị obodo na-anwụ anwụ gaa n'ala mmụọ. Ọ gbaworo onwe ya, ma gaa ieleta otu n'ime ndị okenye obodo ahụ nọ na àkwà ọnwụ ya. Otu n'ime ndị obodo ahụ, Tsuiʹgoab, matara ya ma maa Gaunab aka na egwuregwu ịgba mgba. Ọ bụrụ na Tsuińgoab merie, Gaunab ga-akwụsị ụkọ mmiri ozuzo. Ma ọ bụrụ na Gaunab merie, ọ nwere ike igbu ndụ obodo niile, ma ndị dị ndụ ma na-anwụ anwụ, gụnyere Tsuizgoab n'onwe ya. Gaunab mechara kweta na ihe ịma aka ahụ, ha abụọ lụkwara ọgụ ruo ọtụtụ ụbọchị. N'ikpeazụ, Tsuiñoab meriri ihe ịma aka ahụ na nkụda mmụọ nke Gaunab. Ọ were iwe na mpụtara ahụ ma mechaa gbajie ikpere Tsuiágoabī na ngwụcha ọgụ ahụ. Ka o sina dị, Gaunab mejupụtara nkwekọrịta ahụ, ọ bụ ezie na ọ nweghị ike ịkwụsị ụkọ mmiri ozuzo ozugbo ebe ọ na-anọghị n'okpuru ọchịchị ya. Kama nke ahụ, ọ rịọrọ chi ndị ọzọ ka ha mee Tsuiʹgoab chi mmiri ozuzo. Mgbe Tsuińgoab gbakere site na mmerụ ahụ o nwetara n'aka Gaunab, ọ chọpụtara ike ọhụrụ ya wee nwee ike ịkpọ oku ka mmiri zoo n"obodo ya.